គោលការណ៍ឯកជនភាព

គោលការណ៍នេះត្រូវបានបង្កើតឡើងដើម្បីធានាថា Mystery Shopper ទាំងអស់អាចទុកចិត្តពួកយើងនៅពេលដែលពួកគេផ្តល់ព័ត៌មានអំពី Mystery Shopping Research។

ខាងក្រោមនេះជារបៀបដែលពួកយើងគ្រប់គ្រងព័ត៌មានផ្ទាល់ខ្លួនក្នុងអំឡុងពេលធ្វើការស្រាវជ្រាវ Mystery Shopping Research។

សូមអានគោលការណ៍ឯកជនភាព ហើយប្រាកដថាអ្នកបានយល់ដឹងច្បាស់លាស់មុនពេលប្រើប្រាស់គេហទំព័ររបស់យើង។

តាមរយៈការប្រើប្រាស់គេហទំព័ររបស់យើង ពួកយើងសន្មតថាអ្នកបានយល់ព្រមនឹងគោលការណ៍ឯកជនភាពរបស់យើងហើយ។

ប្រសិនបើអ្នកមានអារម្មណ៍ថាពួកយើងបានរំលោភលើគោលការណ៍ឯកជនភាព សូមទាក់ទងមកពួកយើងតាមរយៈអ៊ីមែល

គោលបំណងនៃការប្រើប្រាស់ទិន្នន័យផ្ទាល់ខ្លួន

រាល់ព័ត៌មានទាំងអស់ដែលអ្នកផ្តល់ឱ្យពួកយើងនៅពេលចុះឈ្មោះ នឹងត្រូវប្រើប្រាស់សម្រាប់តែគោលបំណងស្រាវជ្រាវតែប៉ុណ្ណោះ។

ឧទហរណ៍ ដូចជាការផ្តល់ជូនអ្នកនូវ Mystery Shopping Research ថ្មីៗដែលមាន ឬដើម្បីទាក់ទងអ្នកតាមមធ្យោបាយណាមួយទាក់ទងនឹង Mystery Shopping Research។

សូមកត់សម្គាល់ថា ប្រសិនបើព័ត៌មានដែលអ្នកផ្តល់ឱ្យមិនពេញលេញ ពួកយើងប្រហែលជាមិនអនុញ្ញាតឱ្យអ្នកចូលរួមក្នុង Mystery Shopping Research ឡើយ

នៅពេលទទួលបានពាក្យសុំរបស់អ្នកសម្រាប់ Mystery Shopping Research ដើម្បីជ្រើសរើស Mystery Shopper ដែលសមស្របបំផុត ពួកយើងអាចនឹងសួរនាំអំពីបទពិសោធន៍របស់អ្នកជាមួយនឹងហាងដែលពាក់ព័ន្ធ។

ពួកយើងដកព័ត៌មានរបស់ Mystery Shopper ចេញ (ដូចជា អាសយដ្ឋានអ៊ីមែល, អាសយដ្ឋាន, លេខទូរស័ព្ទ) មុនពេលប្រគល់របាយការណ៍ជូនអតិថិជនរបស់យើង។

នៅពេលដែលអតិថិជនរបស់យើងស្នើសុំចូលប្រើប្រាស់ព័ត៌មានរបស់ Mystery Shopper ពួកយើងនឹងវាយតម្លៃស្ថានភាព និងបង្ហាញព័ត៌មាននោះ លុះត្រាតែទទួលបានការយល់ព្រមពី Mystery Shopper ផ្ទាល់

ក្រៅពីអតិថិជនរបស់យើង ពួកយើងមិនបង្ហាញ ឬលក់ព័ត៌មានផ្ទាល់ខ្លួនទៅឱ្យភាគីទីបីឡើយ

ការផ្តល់ទិន្នន័យផ្ទាល់ខ្លួន

ពួកយើងនឹងមិនបង្ហាញទិន្នន័យផ្ទាល់ខ្លួនរបស់ Mystery Shopper ទៅកាន់ភាគីទីបីដោយគ្មានការយល់ព្រមពី Mystery Shopper ដែលជាម្ចាស់ទិន្នន័យនោះឡើយ លើកលែងតែក្នុងករណីដូចខាងក្រោម៖

• នៅពេលដែល Mystery Shopper បានផ្តល់ការយល់ព្រមជាមុនសម្រាប់ការបង្ហាញព័ត៌មាន
• នៅពេលដែលពួកយើងបានផ្តល់កិច្ចសន្យាបន្តសម្រាប់ការគ្រប់គ្រងផ្ទៃក្នុងទៅឱ្យក្រុមហ៊ុនផ្សេងទៀត
• នៅពេលអនុលោមតាមច្បាប់ បទបញ្ញត្តិ ឬអនុក្រឹត្យ/ក្រឹត្យក្រមនានា

ពួកយើងមានការបង្ហាញព័ត៌មានទូទៅមួយចំនួនអំពី Mystery Shopper របស់យើងនៅលើគេហទំព័ររបស់យើង។ ទោះជាយ៉ាងណាក៏ដោយ ព័ត៌មានទាំងនោះគឺជាទិន្នន័យស្ថិតិទាំងស្រុង និងមិនរួមបញ្ចូលព័ត៌មានផ្ទាល់ខ្លួនជាក់លាក់ណាមួយឡើយ

ប្រព័ន្ធសុវត្ថិភាព

ពួកយើងមានប្រព័ន្ធសុវត្ថិភាពដ៏តឹងរ៉ឹងនៅពេលដែលការស្រាវជ្រាវ Mystery Shopping Research ត្រូវបានអនុវត្ត។ នេះគឺមានគោលបំណងការពារសិទ្ធិ និងព័ត៌មានផ្ទាល់ខ្លួនរបស់ Mystery Shopper។

ការសាកសួរ ការបង្ហាញ ការលុប ឬការកែតម្រូវទិន្នន័យផ្ទាល់ខ្លួន

ប្រសិនបើ Mystery Shopper ប្រាថ្នាចង់សាកសួរ កែសម្រួល ឬលុបទិន្នន័យផ្ទាល់ខ្លួនរបស់ពួកគេ ពួកយើងនឹងឆ្លើយតបទៅនឹងសំណើរបស់គាត់ លុះត្រាតែបានផ្ទៀងផ្ទាត់ និងបញ្ជាក់ពីអត្តសញ្ញាណរួចរាល់។

ច្បាប់ និងបទដ្ឋានសង្គម

ពួកយើងការពារទិន្នន័យផ្ទាល់ខ្លួនយ៉ាងសមស្របស្របតាមច្បាប់ការពារទិន្នន័យផ្ទាល់ខ្លួន (Personal Data Protection Law) និងច្បាប់ ក៏ដូចជាបទបញ្ញត្តិពាក់ព័ន្ធផ្សេងទៀតនៅក្នុងប្រទេសជប៉ុន

បន្ថែមលើនេះ ពួកយើងនឹងតែងតែកែប្រែគោលការណ៍ឯកជនភាពទៅជាកំណែចុងក្រោយបំផុត ដើម្បីឱ្យឆ្លើយតបនឹងច្បាប់ និងបទដ្ឋានសង្គម។

ការសាកសួរបន្ថែម

ប្រសិនបើអ្នកមានសំណួរណាមួយទាក់ទងនឹងការកែប្រែគោលការណ៍ឯកជនភាពទៅជាកំណែចុងក្រោយបំផុត សូមទាក់ទងមកពួកយើងតាមរយៈអ៊ីមែល។